Davao del Norte – Malipayon si Remegia Bastasa 100 anyos ang panuigon nga taga Purok 2, Barangay New Malitbog human kini nakadawat ug Cash Award nga kantidad sa ₱ 30,000 gikan sa Lokal nga Panggamhanan ug ₱ 100,000 gikan sa DSWD.
Si Bastasa ang ikalima nga Centerian sa syudad sa Panabo nga nakadawat ug pahalipay gikan sa lokal ug nasyunal nga Kagamhanan.
Mitunol sa nahisgutang Award sila ni Executive Secretary Josie Mary Relampagos kinsa maoy gipatunol ni Mayor Jose Relampagos ug ni City Councilor Hon. Flopone Royle Catalan nga author sa Centenarian Ordinance sa syudad.
Ang Centenarian Awardee subay sa Republic Act 10868 o Centenarians Act of 2016 nga naga garantiya sa mag senior citizens nga ni abot og pangidaran nga 100 nga makadawat og cash incentive.
Matod pa ni Social Welfare Officer III Sheila M. Caval, “Maka dawat usab sila og cash nga P100,000 sa DSWD garantiya nga siya nakaabot ana nga edad.”
Dako usab ang pagpasalamat sa pamilya ni Bastasa pinaagi sa iyang Ika onseng anak nga si Florencia Bastasa Solatorio.
“Kini nga paghatag gikan sa city makatabang kanamo hilabi na sa akong mama para ma sustentohan pa namo siya sa iyang mga panginahanglan. “Maayo nga pagpuyo, walay kaguol o kaaway, ug pagdili sa mga adunay preservatives nga pagkaon ang nakapaluntad sa akong inahan”, sumala pa ni Solagorio.
Alang sa dungang pangutana, mamahimong mobisita sa Office of the Senior Citizen Affairs (OSCA) na nahimotang sa Barangay New Pandan, Panabo City.
Dungag pa ni Caval, mamahimong magdala lang ug birth certificate or marriage contract alang sa mga mag-avail isip nagapamatood nga siya naga edad og 100.
(Mel Hilario CIO, M Gentiles, OIC Michael Manguhig RPN DXKT Davao)