Gipadayon sa buhatan sa Department of Social Welfare and Development (DSWD) Field Office X ang pag-amuma ug pagpangga sa mga lolo ug lola nga ga-edad og 100 pataas kada Centenarian Program.
Subay sa Republic Act 10868 o ang Centenarian’s Act, gihatag sa DSWD Field Office X ug National Commission of Senior Citizens (NCSC) og P100,000 ngadto kang Mariam Amboloto Macala, usa ka centenarian sa munisipyo sa Opol, Misamis Oriental. Si Nanay Macala gianak niadtong Hunyo 6, 1916.
Gitunol ang cash incentive atol sa simpleng seremonyas gahapong adlawa sa Municipal Hall sa Opol inubanan sa presensya ni Mayor Jayfrancis Bago.
News and photo by Cheleste Simene