Naghatag og dakong kalampusan ang Police Regional Office 7 (PRO7) batok sa ilegal nga drogas sa Central Visayas human sa ilang hugot nga kampanya sa tibuok bulan sa Marso nga nagresulta sa pagdakop sa kapin 820 ka drug personalities ug pagkumpiskar sa illegal substances nga nagkantidad og ₱28.8 milyon.
Gipatuman ang 743 ka anti-illegal drug operations sa lain-laing police operating units sa rehiyon, nga misangpot sa pagdakop sa 820 ka drug personalities, lakip ang 3 ka high-value targets (HVTs), 21 ka street-level offenders, ug 796 ka uban pang nalambigit sa ilegal nga drogas.
Sa operasyon, nakumpiskar sa kapulisan og kapin sa 4,244 gramos sa shabu ug uban pang ginadiling nga drogas, nga naghatag og dakong kadaut sa ilegal nga drug trade sa Central Visayas.
Gipasiugda ni PBGen Redrico A. Maranan nga ang sunod-sunod sa malampusong operasyon nagpakita sa agresibo ug walay hunong nga baruganan sa PRO7 batok sa paglapas sa balaod sa droga.
“Police Regional Office 7 will remain relentless in its intensified campaign against illegal drugs as we continue to pursue drug personalities and dismantle drug networks that threaten the safety of our communities, and these accomplishments reflect the dedication of our personnel and our unwavering commitment to protect the public from the harmful effects of illegal drugs,” segon ni PBGen Maranan.
Source: PRO7 PIO
I via Renante Socia Lada