Wala nay kinabuhi nga niabot sa tambalanan ang driver sa motorsiklo ug naangol usab ang angkas niini sa nahitabong disgrasya sa motorsiklo.
Didto kini nahitabo sa Barangay Cansamoroy, Transcentral Highway, lungsod sa Balamban, sa niaging alas 8:00 sa gabii, Agusto 2O, 2023.
Ang mga biktima giila sa Balamban Police Station nga mao si Sorya Jaya Ayodhya, 23 anyos ang panuigon, Indian National, tinun-an sa medisina.
Giila usab ang angkas niini nga naangol nga mao si Saratu Kamari Koppuravari, 21 anyos ang panuigon, tinun-an usab sa usa sa mga tunghaan sa medisina sa siyudad sa Sugbo.
Sa inbestigasyon sa Balamban Police Station nga ang mga biktima luwan sa usa ka motorsiklo na paingon sa lungsod sa Balamban.
Kusog ang ilang dagan nga wala na kontrol sa pag abot sa lugsungon nga bahin sa karsada.
Nibangga ang motorsiklo sa usa ka signage hinungdan sa pagkamatay sa driver ug pagkaangol sa angkas niini. (Renante Lada, photo credits to the owner)