Nikutlo og usa ka kinabuhi samtang tulo ang naluwas human nisulod sa langob didto sa lungsod sa Antequera, Bohol, niadtong niaging gabii, Hunyo 28, 2024.
Sa imbestigasyon sa Antequera Police Station nasayran nga adunay grupo sa mga batan-on ang nangaligo ug nisulod sa langob pasado 6:00 sa gabii.
Matod pa nga niabot sa lima ka mga batan-on ang nangaligo ug nisulod sa Tubang Cave and Spring apan ang duha kanila nakagawas ug ang tulo natanggong sa sulod.
Si Larry Cruz, hingkod ang panuigon, nihangyo kini sa mga rescue team na boluntaryong musawom aron pagluwas sa iyang igsuon apan nalumos ug nanatay na hinuon kini.
Nikabat og pipila ka oras ang gipahigayon nga pagrescue hangtod katapusang naluwas kadlawon na, nianang Hunyo 29, 2024.
Sa pagkakaron padayon pa ang imbestigasyon sa kapulisan sa maong aksidenti. (Renante Lada | Ting Joe Pepito)