Usa ka lakin-on nga manindahay ug prutas sa Carbon Public Market, gipusil patay kagahapon sa sayong kabuntagon, adlawng lunes, Hulyo 22, 2024 sa MC Briones St., Brgy. Ermita, sa dakbayan sa Sugbo.
Ang biktima kinsa naglunang sa kaugalingon dugo, naila sa pangalan nga Janice 36-anyos, adunay live-in partner, manindahay og prutas ug lumad nga taga Pinamungahan Cebu
Sa imbistigasyon sa kapulisan ug matod usab sa saksi sa maong krimen, sa dihang nagtimbang ug prutas ang biktima kalit lang nga miabot ang duha ka lalake nga sakay sa motorsiklo dayon mipusil sa biktima ma kaupat kahigayon, hinungdan nga nahagba kini. Nakuha gikan sa crime scene ang upat ka kabhang sa kalibre .45 nga armas de fuego.
Dugang nasayran nga ang biktima bag-ohay lang nakagawas gikan sa prisohan nga may kalambigitan sa kasong pagpamaligya og ginadiling drugas. Â (Ting Joe Pepito & Renante Socia Lada)