Nahimong maduguon ang katapusang adlaw sa buwan sa Hulyo human upat gyud ka kinabuhi ang nakalas sa pagpamusil sa managlahing lugar ug oras sa Sugbo.
Ang unang krimin nahitabo didto sa Baragay Lengigon, lungsod sa Argao mga pasado alas 6:00 sa kabuntagon.
Giila ang biktima sa Argao Police Station nga mao si Faustino Gomez, hingkod ang panuigon, residenti rapud sa maong lugar.
Wala matino kung si kinsa ang nipusil sa biktima samtang anaa kini sa karsada.
Ang ikaduhang krimin nahitabo didto sa Baragay Valladolid, siyudad sa Carcar ,pasado alas 8:00 sa kabuntagon.
Si Rogen Montefalcon Fajardo, hingkod ang panuigon, lumad na taga Negros Occidental, kasamtangang caretaker sa usa ka balay,
Nakabsan usab sa kinabuhi tungod sa pagpamusil sa mga suspetsado nga sila si Roy Bacus ug Rodel Campania, hingkod ang pangidaron, puros nagpuyo s amaong lugar.
Sunod na pagpamusil patay nahitabo didto sa Brgy. San Vicente, Liloan, pasadoa alas 10:00 sa buntag.
Ang biktima mao si Richard Lanorias, hingkod ang pangidaron, nagpuyo rapud sa maong lugar.
Sa nasayran nagbisiklita si Lanorias sa dihang gipusil patay kini sa Riding in Tandem.
katapusang pagpamusil patay nahitabo didto sa Sitio Kasagingan Baragay Lawaan 3, dakbayan sa Talisay, pasado alas 11:00 sa buntag.
Diin ang nakalas mao si Art Sabado, hingkod ang pangidaron, residenti rapud sa maong lugar.
Sa upat ka mga kaso sa pagpamusil patay padayong gisusi sa kapulisan kung unsay motibo sa maong krimin. (Renante Socia Lada)