Cebu City – Gitakdang pormal nang ipasaka ang kasong statutory rape, Martes, Mayo 24, 2022, batok sa usa ka 41-anyos nga lalakeng tutor sa Barangay San Nicolas, Syudad sa Sugbo, kinsa nasikop gumikan sa giingong pag molestiya sa usa ka 10-anyos nga babayeng tutee sud sa ilang panimalay.
Nahitabo ang insidente niadtong adlawng Sabado, Mayo, 21, 2022.
Nasikop ang suspek human ang inahan ug amahan naka bantay sa ‘unusual behavior’ sa ilang anak.
Kini ang gibutyag ni Police Lieutenant Colonel Maria Theresa Macatangay, information officer sa Cebu City Police Office (CCPO).
Gipahibaw ni Macatangay nga ang mga ginikanan naka matikod sa lahi nga lihok sa ilang anak hinungdan nga naka desisyon sila nga magbutang ug camera sa ilang kwarto.
Giingong adto sud sa ilang kwarto ipahigayon ang tutorial session sa ilang anak ug sa tutor.
Didto na nila nakita pinaagi sa camera ang pag molestiya sa tutor ngadto sa ilang anak.
Matod pa nagsugod ang serbisyo sa tutor dihang nag edad pa ang ilang anak ug 8 anyos o duha na ka tuig.
Nagkanayon si Police Major Ireneo Regidor, hepe sa Sawang Police Station na ang kaso giduso na sa Women’s Children’s Protection Desk (WCPD) sa presinto.
Base sa testimoniya sa bata sa WCPD, gisugdan paghilabot sa tutor niadtong nag edad pa kini ug 8 anyos dihang gipaagi sa module ang klase gumikan sa pag suspenso sa face-to-face resulta sa pandemya.
“Ang kinatawo sa suspek ipasud sa kinatawo sa bata…”butyag ni Regidor subay sa gisaysay sa bat.
Unang naka bantay ang parente sa ginikanan sa gihimo sa suspek ngadto sa bata, apan wala lang kini makuhai ug ebidensya.
Gumikan niini, gipanid-an sa gikanan ang lihok sa tutor ug kung nganong mang lock sa kwarto sa balay sa biktima sa higayon nga mag module sa bata.
Hinungdan nga na aktuhan ang tutor nga imbes tudloan ang bata sa leksyon, lahi man hinoon ang gitudlo. (Jhon Tadlip)
(News & photo courtesy of Cebu City Police Office)