Usa ka insidente sa pamusil ang nahitabo sa Looc, Barangay Maribago kagabii, pasado alas 8:00 kagabii, Enero 17, 2025, nga miresulta sa pagkamatay sa tulo ka tawo ug pagkaangol sa usa.
Ang suspek giila nga si Eduardo Ramos Taghoy, Jr., 40-anyos, nga residente sa maong dapit.
Samtang ang mga biktima nga namatay mao sila si, Junrey Jamora, 26-anyos, usa ka photographer, nailang Aying, ug Mary Ann Ciño, usa ka lending officer
Naangol usab si Antonio Sapotalo, nga padayon nga gitambalan sa ospital.
Sa imbestigasyon nasayran nga gipang pusil ang mga tawo sa maong lugar nga iyang na agian sa walay igong rason.
Gituho-ang lango sa ginadili nga drugas ang suspetsado atol sa maong hitabo.
Gituhuang ang panaglalis sa hinigugma niini maoy rason sa suspetsado sa pagbuhat sa maong krimin na niamong sa mga inosenting tawo sa maong lugar.
Si Taghoy Jr. na priso na kaniadto sa kalambigitan sa ginadiling drugas.
Si Mayor Junard Chan personal nga miadto sa lugar aron motan-aw sa insidente ug gikonpirma ang pagkadakop sa suspetsado pinaagi sa kapulisan. Ang mga otoridad padayon nga nag-imbestigar sa kaso aron masuta ang motibo ug mahatagan og hustisya ang mga biktima.
Giawhag ang mga residente nga magbantay ug mag-report dayon sa mga otoridad kung adunay kahasol sa ilang lugar. (Renante Socia Lada)