Nasikop sa mga kapulisan sa Cebu Police Provincial Office (CPPO) ang tulo ka Most Wanted Persons sa lain-laing operasyon sa probinsya sa Cebu sulod lang sa duha ka adlaw. Kini nagpakita sa padayon nga paningkamot sa kapulisan nga ipatuman ang balaod ug protektahan ang katawhan.
Una nga nasikop mao si alias “Renato,” usa ka cellphone technician nga nagpuyo sa Sitio Roxas South, Barangay Tabunok, Tabuelan, Cebu. Siya ang Top 9 Most Wanted (Regional Level) ug nadakpan pinasikad sa warrant of arrest alang sa kasong Rape by Sexual Assault sa Toledo City.
Sunod nga nadakpan mao si alias “Marvin,” walay trabaho nga taga Barangay Canamucan, Compostela, Cebu. Siya ang Top 3 Most Wanted (Provincial Level) nga adunay kaso isip paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002. Wala kini’y baylo nga piyansa.
Ang ikatulo nga nadakpan mao si alias “Mark Angel Del Socorro,” usa ka Grade 11 student nga nagpuyo sa Barangay Manduang, Minglanilla, Cebu. Nadakpan siya sa Naga City Police Station base sa warrant of arrest nga walay piyansa alang sa kasong Rape, nga gipagawas sa Family Court sa Naga City. Siya ang Top 3 Most Wanted (NCR Level).
Matod ni PCOL Abubakar Udang Mangelen Jr., Provincial Director sa CPPO, “These arrests stand as a clear message that no criminal will ever outrun the law,” declared PCOL ABUBAKAR UDANG MANGELEN JR., Provincial Director, Cebu PPO. “We will continue to track, locate, and apprehend those who violate the law with discipline, integrity, and respect for human rights. Every successful operation is a testament to our unwavering dedication to public safety.”
Ang kalampusan sa mga operasyon resulta sa lig-on nga koordinasyon, paggamit sa E-Warrant System, ug kakugi sa tracker teams sa CPPO. Kini nagpakita sa modernong estilo sa pagpatuman sa hustisya nga gisunod sa liderato ni PBGEN Redrico A. Maranan, Regional Director sa PRO7.
Sa laing bahin, si Governor Pamela S. Baricuatro mipahimangno sa mga kriminal: “Leave now — or prepare to be taken down.”
Pinaagi sa ABCD Guide ni PCOL Mangelen — Abide by the Law, Build Trust, Commit to Integrity, and Deliver Quality Police Service — nagpabilin ang CPPO nga lig-on sa ilang misyon nga maghatag og luwas ug malinawon nga komunidad para sa tanang Sugboanon.
Source: CPPO
I via Renante Socia Lada