Nikalas og tulo ka kinabuhi ang nahitabong disgrasya sa motorsiklo human kini nag bangga. Pasado alas 5:00 kagahapon sa hapon, Oktobre 21, 2022, didto sa Sitio Dayang Union, Lungsod sa San Francisco, Isla sa Camotes, Probinsya sa Sugbo.
Ang mga nakalas giila sa kapulisan sa San Francisco Police Station nga sila si Jonel Luchavez Donaire, 35 anyos ang pangidaron, driver sa motorsiklo ug ang angkas niini nga si Florentino Luchavez Sampan Jr., 44 anyos ang pangidaron, puros sila nagpuyo sa Lower Lawis, Campo, Lungsod sa San Francisco, Isla sa Camotes.
Ang kabangga niini nga namatay giila nga si Antonio Borromeo Francisco, 57 anyos ang panuigon, menyo, Phil-AM, residenti rapud sa maong barangay.
Sa gihimo nga imbestigasyon sa San Francisco Police Station, nasayra nga ang duha nagbiyahi sa opposite direction apan sa pag abot na sa naasoy nga lugar nikawat og linya sa karsada sila si Donaire nga niresulta sa ilang panagbangga.
Dugang sa kapulisan nga gituhuang hubog ang gikabangga sa Phil-Am nga wala ka control sa ilang pagmaniho.
Puros sila gidala sa tambalanan apan nabugtuan kini sa kinabuhi. (Renante Lada, photo courtesy of San Francisco Camote MPS)