Wala nay kinabuhi nga niabot sa tambalanan ang usa ka drayber sa tricycle human nidasmag sa prime mover ang gimaniho niini.
Nahitabo kini niadtong nakalabay nga gabii, Oktobre 9, 2024, didto sa intersection road nga bahin sa Tiangue road, Brgy. Canjulao, siyudad sa Lapu-Lapu.
Ang biktima giila sa Lapu-Lapu City Police Station na mao si Leonardo Estillore Socias, 43 anyos ang panuigon, ug molupyo sa Barangay Catarman, Lungsod sa Cordova, Sugbo.
Sa imbestigasyon sa kapulisan nasayran nga gikan sa Brgy. Babag ang prime mover ug nagbiyahe kini paingon sa Brgy.Poblacion dihang pag-abot niini sa intersection nga bahin sa naasoy’ng dapit, adunay kalit nipaka sa kilid nga bahin nga mao na diay ang tricycle nga gimaneho sa biktima nga nagbiyahe sab niadtong higayona gikan sa Brgy. Gun-ob paingon sa Brgy.Looc sa naasoy’ng syudad.
Tungod sa kakausog sa pagkadasmag natagak ang drayber niini og naligsan sa prime mover na maoy hinungdan sa iyang kamatayon.
Ang duha ka habig nagkasabot ra na e settle ang maong aksidenti og nabuhian ra sa kapulisan ang nagmaniho sa primo mover. (Renante Lada)