Human sa dugay nga pagpangita, nadakpan na sa kapulisan sa Lapu-Lapu City ang usa ka 51-anyos nga company driver nga giila nga Top 5 Most Wanted Person sa probinsya ug Top 6 sa rehiyon, tungod sa kaso nga rape ubos sa Article 266-A sa Revised Penal Code.
Ang operasyon gipangulohan ni PCPT Melchor M. Rodriguez Jr., Officer-In-Charge sa Police Station 5 (PS5) sa Lapu-Lapu City Police Office (LCPO), ug gihimo alas 9:00 sa buntag niadtong Oktubre 17, 2025, sa ML Quezon National Highway, Barangay Pusok, Lapu-Lapu City.
Gisilbi ang warrant of arrest pinasikad sa mando ni Hon. Anna Marie Millante, Presiding Judge sa RTC Branch 53, Lapu-Lapu City. Sumala sa kapulisan, dugay nang nagtagotago ang suspetsado, apan nadakpan kini pinaagi sa istriktong pagsubay sa Tracker Team sa PS5.
Gipasalamatan sa LCPO ang tanang nitabang sa operasyon ug nanawagan sa publiko nga magpadayon sa pakig-alayon sa kapulisan aron madakpan ang ubang mga tawo nga adunay kaso ug padayong naglikay sa hustisya.
I via Renante Socia Lada