Nadakpan sa kapulisan ang duha ka mga lalaki nga nalista isip Top 3 ug Top 5 Most Wanted Persons sa Sugbo human sa managlahi nga operasyon sa Sawang Calero Police Station 6 ug Inayawan Police Station 7 niadtong Enero 22, 2026.
Ang operasyon gipangulohan ni PCPT Giann Karlo M. Reyes sa Sawang Calero ug PCPT Troy John A. Lalamunan sa Inayawan. Nadakpan ang mga suspek sa Barangay Pasil ug Barangay Inayawan, ug karon gitanggong o na sila sa prisohan.
Ang duha ka suspetsado nag-atubang og kaso sa paglapas sa RA 9165 o Comprehensive Dangerous Drugs Act of 2002, ug Arson. Ang mga kaso walay piyansa base sa rekomendasyon sa korte. Ang mga warrant of arrest gi-isyu sa Regional Trial Court (RTC) Branch 21 ug Branch 19 sa Cebu City.
Gipahibalo usab ang mga suspek sa ilang legal nga katungod samtang nagpaabot sa sunod nga legal nga proseso.
Gidayeg ni PCOL George V. Ylanan, Officer-in-Charge sa Cebu City Police Office (CCPO), ang mga pulis sa Sawang Calero ug Inayawan tungod sa ilang paningkamot ug dedikasyon sa pagdakop sa mga wanted person.
Matod pa ni PCOL Ylanan, padayonon ug palig-onon sa tanang yunit sa CCPO ang kampanya batok sa mga wanted person aron masiguro ang malinawon ug luwas nga dakbayan sa Sugbo para sa tanang molupyo.
Source: CCPO
I via Renante Socia Lada