Usa ka 25-anyos nga sakop sa top 3 most wanted sa rehiyon ang nadakpan niadtong Enero 29, 2026, sa Purok 3, Barangay Totolan, Dauis, Bohol pinaagi sa warrant of arrest.
Gipatuman ang pagdakop sa mga pulis sa Dauis Municipal Police Station (MPS) ug sa Bohol Police Provincial Office (BPPO) tungod sa paglapas sa Anti-Child Abuse Law (RA 7610, Section 12[D]).
Ang warrant gipagawas ni Assisting Judge Giovanni Suficiencia Omega sa Regional Trial Court, 7th Judicial Region, Branch 46, Larena, Siquijor, nga adunay bail nga ₱200,000. Kung mapamatud-an nga sad-an ang suspetsado puwede mapahamtangan og 6 ka tuig ug 1 ka adlaw hangtod 12 ka tuig nga pagkabilanggo.
Sa pagkakaron, siya natanggong sa custodial facility sa Dauis MPS, BPPO, samtang gihulat ang presentasyon sa korte.
Gipangdayeg ni PRO7 Director PBGen Redrico A. Maranan ang mga pulis sa Dauis MPS sa ilang kugi, kaisog, ug professionalism.
Nagpadayon ang PRO7 sa pag-awhag sa publiko nga magmatngon ug mosumbong dayon sa mga otoridad kung adunay impormasyon bahin sa mga wanted persons aron masuportahan ang mga miikyas sa balaod sa rehiyon.
Source: PRO7 PIO
I via Renante Socia Lada