Nagmalampuson ang manhunt operation sa kapulisan sa Police Regional Office (PRO-7) batok sa usa ka top 3 most wanted person sa probinsya sa Antique.
Didto kini nasikop sa lungsod sa Tayasan, Negros Oriental, kagahapon Mayo 11, 2024, pasado 1:30 sa hapon.
Usa ka joint police operation ang gilusad sa Tayasan Municipal Police Station, Negros Oriental Police Provincial Office (NOPPO), ug Tobias Fornier Municipal Police Station sa Antique Police Provincial Office, PRO6, didto sa Brgy. Poblacion, Tayasan, Negros Oriental.
Ni resulta kini sa pagkasikop ni Alias Carl, number 3 most wanted person sa Antique province, sa kaso nga rape by sexual assault.
Ang pagsikop pinasikad sa warrant of arrest nga gipagawas sa Regional Trial Court 6, Branch 11, sa San Jose, Antique,
Diin walay piyansa nga gikatakda.
Gidayeg ni PRO7 Regional Director PBGen. Anthony Aberin ang iyang mga sakop sa pagkasikop sa suspetsado.
“This demonstrates the magnitude of our law enforcement cooperation with other police offices utilizing intelligence exchange and coordination in the arrest of most wanted persons loitering in Central Visayas. The long-arm of the law will never falter and justice will ultimately be served in the end,” pamahayag ni PBGen. Anthony Aberin, PRO-7, Regional Director.
Sa pagkakaron ang suspetsado padayong gitanggong sa Tayasan MPS aron i presentar ngadto sa korte sa salaud na iyang nabuhat. (Renante Socia Lada)
(Source: PRO-7)