Arestado ang usa ka 34 anyos nga lalaki residente sa Barangay Ermita ning syudad sa Sugbo kinsa gi tag isip Top 3 Most Wanted Person ning syudad human malampuson nga nadakpan pinasikad sa warrant of arrest niadtong Oktubre 3, 2024 sa hapon.
Basi sa imbistigasyon, ang akusado gipasakaan og kasong may kalapasan sa Akta 10883 Violation of New Anti-Carnapping Act of 2016 ubos sa sala sa RTC 7th Judicial Region Branch 12 Cebu City nga giisyu niadtong Setyembre 3, 2024 nga adunay P300,000.00 Bail recommended. Naaresto ang akusado sa mga personahe sa Carbon Police Station 5, Cebu City Police Office gipanguluhan ni PMAJ ERIC C GINGOYON.
Kasamtangang ang akusado na balhug karun sa Lapu-Lapu City Jail ning dakbayan sa sugbo diin nag atubang usab sa patong-patong nga kaso sa pagpamaligya ug paghupot ug ilegal nga droga ubos sa Akta sa 9165, Comprehensive Dangerous Drugs Act of 2002. (Renante Lada and Ting Joe Pepito)
(Source: CCPO)