Himas rehas sa prisuhan ang usa ka lalaki, human madakpi sa joint operation sa mga personahe sa Madridejos Municipal Police Station, Cebu City Police Office Mambaling Police Station 11, Cebu PIT, ug RIU 7 sa kasong Murder pinasikad sa Warrant of Arrest nga gipanguluhan ni PMAJ ERWIN B ABRASADO, hepe sa maong buhatan, niadtong Agosto 11, 2025, didto sa Barangay Poblacion, Madridejos, Cebu.
Ang akusado nailhan sa alyas ‘BONJING’ 36 anyos ug residente sa Brgy. Duljo Fatima diin nahitala isip Top 5 Most Wanted Person sa rehiyon sa Central Visayas ug Top 1 Most Wanted Person sa tibuok Probinsya sa Sugbo. Kasamtangang anaa sa kustodiya sa Madridejos Police Station Custodial Jail. Ang maong warrant gi-isyu sa Regional Trial Court (RTC) 7, Branch 19, Cebu City niadtong Abril 25, 2025 with NO BAIL recommended. Siya gipahibalo sa iyang legal nga katungod samtang nagpaabot sa dugang proseso legal.
Si PCOL ENRICO E FIGUEROA, ang Acting City Director sa Cebu City Police Office, mapasigarbuhong midayeg sa mga sakop sa Mambaling Pulis sa ilang walay hunong nga paningkamot ug dedikasyon sa ilang trabaho.
Iyang gimandoan ang tanang unit sa kapulisan nga padayon pang palig-unon ang kampanya sa pagpangita ug pagdakop sa mga wanted persons aron masiguro ang mas malinawon ug mauswagong dakbayan sa Sugbo alang sa tanan niining mga lumulupyo.
Source: CCPO
I via Renante Socia Lada
#rpndykccebu