Usa ka Grade 10 estudyante ang namatay samtang iyang angkas ang naangol human nakabangga ang ilang motorsiklo sa nakaparada nga cargo truck sa Brgy. Poblacion, Argao, alas 3:40 sa kadlawon, Sabado, Setyembre 6, 2025.
Ang biktima giila nga si Frincie Rocky Buhia, 16 anyos, residente sa Brgy. Bogo, Argao, nga nagmaneho sa motorsiklo nga Yamaha Aura. Ang iyang angkas nga si alyas “Vicky,” usa ka mahuyang, padayon pa karon nga gitambalan sa ospital tungod sa samad ug pagkawala sa panimuot.
Base sa imbestigasyon sa Argao Police Station, ang motorsiklo wala makabantay sa Sinotruck Cargo nga nakaparada sa ngitngit nga daplin sa dalan ug walay hazard lights o warning device. Tungod sa kusog nga dagan, diretso kini mibangga sa likod nga bahin sa truck, hinungdan sa grabeng kadaut sa ulo sa duha. Si Buhia gideklarar nga dead on arrival sa ospital tungod sa traumatic brain injury.
Kasamtangan nga gisikop ang drayber sa truck nga si Steve Nuñeza Rule, 49, residente sa Catmon. Posibleng pasakaan siya og kaso nga Reckless Imprudence Resulting in Death and Physical Injuries samtang nagpadayon ang imbestigasyon sa kapulisan.
I via Renante Socia Lada