Nagpasalamat ang Cebu Provincial Government ubos sa liderato ni Gob. Pamela S. Baricuatro sa Technical Education and Skills Development Authority Region VII tungod sa paghatag sa programang “Bongga Ka Dai” Wellness and Care Services sa Cebu Provincial Capitol niadtong nakalabay nga adlaw, isip pagsugod sa selebrasyon sa National Women’s Month 2026.
Ang maong kalihokan gitumong sa paghatag og wellness ug self-care services alang sa mga babayeng empleyado sa Kapitolyo isip pagpasidungog sa ilang kontribusyon sa serbisyo publiko.
Atol sa maong aktibidad, daghang babayeng empleyado sa Kapitolyo ang nakapahimulos sa libre nga serbisyo sama sa haircut, nail polish, basic makeup, massage, eyebrow grooming, eyelash extension, ug color analysis.
Sumala sa Kapitolyo, ang maong programa makatabang sa pagpalambo sa kahimsog, kumpiyansa, ug empowerment sa mga kababayen-an nga nagserbisyo sa gobyerno.
Nahimong posible ang kalihokan pinaagi sa suporta sa TESDA-7 ug sa koordinasyon sa Gender and Development Office sa Kapitolyo isip kabahin sa selebrasyon sa National Women’s Month karong tuiga.
Source: Cebu Province PIO
I via Renante Socia Lada
Renante