Naglusad ang Cebu Provincial Government og bag-ong Cebu Travel Review Form, usa ka feedback tool nga gituyo aron mas mapalambo pa ang serbisyo sa turismo sa Cebu Province.
Pinaagi sa maong porma, gitugotan ang lokal ug langyaw nga mga turista nga makahatag og ilang kasinatian, obserbasyon, ug mga suhestiyon human sila makabisita sa nagkalain-laing destinasyon sa probinsya.
Sumala sa Kapitolyo, ang makolektang feedback makatabang sa gobyerno sa probinsya aron mas masabtan ang panginahanglan ug gilauman sa mga bisita.
Giduso usab sa Kapitolyo ang mga local tourism officers, tourism stakeholders, ug mga kauban sa sektor sa turismo nga motabang sa pagpakaylap sa maong porma ug dasigon ang mga turista nga mohatag og ilang review.
Naglaum ang Cebu Provincial Government nga pinaagi niini nga inisyatiba mas mapalambo pa ang kasinatian sa mga bisita ug mapalig-on ang turismo sa Cebu sa umaabot nga mga tuig.
Source: Cebu Province PIO
I via Renante Socia Lada