Nasikop ang 45 anyos nga lalaki, human gidakop sa mga personahe sa Cebu City Mobile Force Company sa CCPO gipanguluhan ni PLTCOL FERDINAND M CASIANO, hepe sa maong buhatan, sa kasong Acts of Lasciviousness ubos Art. 336 sa RPC in relation sa RA 7610, niadtong Enero 27, 2026, didto sa Sitio Bugnay sakop sa Barangay Labangon ning dakbayan sa sugbo pinasikad sa warrant of arrest.
Kasamtangang anaa sa kustodiya sa Cebu City Police Office. Basi sa PNP E-Warrant System, ang akusado gi tag isip Top 8 Most Wanted Person (Provincial Level) ug Top 7 Most Wanted Person (Municipal Level). Ang maong warrant gi-isyu sa Regional Trial Court (RTC) 7th Judicial Region, Branch 24, Cebu City niadtong Enero 26, 2026 nga adunay PHP 180,000 pyansa nga girekomendar. Ang maong akusado gipahibalo sa iyang legal nga katungod samtang nagpaabot sa dugang proseso legal.
Si PCOL GEORGE V YLANAN, ang Officer-in-Charge sa Cebu City Police Office, mapasigarbuhong midayeg sa mga sakop sa CMFC sa ilang walay hunong nga paningkamot ug dedikasyon sa ilang trabaho.
Iyang gimandoan ang tanang unit sa kapulisan nga padayon pang palig-unon ang kampanya sa pagpangita ug pagdakop sa mga wanted persons aron masiguro ang mas malinawon ug mauswagong dakbayan sa Sugbo alang sa tanan niining mga lumulupyo.
Source: CCPO
I via Renante Socia Lada
#rpndykccebu