Matod sa Cebu City PIO nga laing mga tulonghaan ang gibisitahan kagahapong adlawa, Septiyembre 18, 2024, ni Acting Mayor Raymond Alvin Garcia aron mang-apod-apod og mga school kits.
Kini mao ang City Central Elem School (ES), Pasil ES, Sawang Calero ES, ug ang Don Carlos Gothong Memorial ES.
Gawas kang Acting Mayor Garcia nitambong sab sa pagpanghatag sa school kits sila si Konsehal Rhea Mae Jakosalem, ang Sangguniang Kabataan Federation president; Atty. Atty. Kim Esmeña-Banquirigo, ang labaw sa Local School Board; ingon man si Atty. Mary Rose Lubino, assistant city administrator; mga ginikanan sa bata; ug mga magtutudlo.
Niabot tanan sa 7,565 ka mga bata gikan sa maong upat ka mga eskuylahan ang nakadawat sa mga school kits.
Una nang gimando ni Acting Mayor Raymond Garcia ngadto sa LSB nga papaspasan ang pag-apud-apod sa mga school kits kay lagi nagsugod na ang klase.
Source: Cebu City PIO
I via Renante Socia Lada
#rpndykccebu
#675hzamband
#mrpublicservice