Gibuksan na sa Gobyerno sa Lalawigan sa Sugbo ang Tabo sa Kapitolyo 2026: Agri-Fishery Trade Fair isip kabahin sa usa ka bulan nga pagsaulog sa ika-457 nga Founding Anniversary sa Cebu Province.
Makapalit ang mga bisita og nagkadaiyang produktong agrikultura ug mga isda, lokal nga mga pagkaon, hinimong mga handicraft, ug uban pang mga produkto gikan sa nagkalain-laing lungsod ug siyudad sa lalawigan. Aduna usab kini’y mga booth nga nagpakita sa kultura, talento, ug pagkamamugnaon sa mga Sugboanon.
Gidapit sa Provincial Government ang publiko sa pagbisita sa Tabo sa Kapitolyo aron suportahan ang lokal nga mga mag-uuma, mangingisda, ug gagmayng negosyante samtang masinati ang labing maayong produkto sa nagkalain-laing komunidad sa Sugbo.
Ang kalihokan gihimo sa Capitol Parking Lot 1, Cebu City ug magpadayon hangtod Agosto 9, 2026, gikan sa alas-7:00 sa buntag hangtod alas-7:00 sa gabii.
I via Renante Socia Lada