Cebu: Sustainable Development Goals Workshop seminar, nagpahigayon sa Mandaue

0
11
photo courtesy of Mandaue City PIO

Kagahapong adlawa Mayo 27, 2024, usa ka Sustainable Development Goals Workshop seminar sa nagkadaiyang siyudad sa Pilipinas ang gipahigayon sa dakbayan sa Mandaue.

Nasayran nga ang maong workshop seminar nagpaambit sa mga maayong praktis sa matag LGU sa ilang mga pamaagi pagsulbad sa problema nga gisagubang sa ilang siyudad.

Adunay pagbinaylu-ay sa ilang mga kasinatian ang mga representante gikan sa nagkadaiyang siyudad sa nasud ug mga deligado sa League of Cities of the Philippines, PSA Region 7, ug Mandaue City Environment and Natural Resources Office.

Gihimo kini sa online nga pamaagi sa pagpasabot sa mga malampuson nga inisyatiba sa CityNet Vice President, Makati Mayor Mar-Len Abigail S. Binay-Campos.

Si Engr. Rizel Rabaca ang Environmental Planner sa Mandaue City nipakita sa Profile ug Comprehensive Development Plan sa Mandaue City nga gitoohang malugntaron nga plano sa kalambuan.

Tumong sa maong workshop seminar sa SDG self-assessment monitoring process, mao ang SDG Navigator platform, updates sa SDG implementation, importansya sa pag-localize sa SDG, ug pagpaambit sa inisiyatibo sa mga syudad. (Renante Socia Lada)

Leave a Reply