Lain na usab nga centenarian ang nakadawat og P100,000.00 gikan sa Kapitolyo sa probinsya sa Sugbo.
Atol kini sa Caravan of Services didto sa Cordova municipal gym, lungsod sa Cordova Sugbo, karong adlawa Mayo 27, 2024.
Si Lola Apolonia Bihag, taga Barangay Tolotolo, lungsod sa Consolacion, Sugbo, maoy nakadawat sa maong ganti nga kwarta.
Si Lola Bihag natawo niadtong tuig Abril 10, 1924, diin matod pa niya nga ang sekreto sa iyang taas nga kinabuhi mao ang pagkaon sa sakto nga pagkaon, sama sa isda ug utanon ug labaw sa tanan ang hugot nga pagtoo sa Ginoo.
Nakadawat usab si Lola Apolonia og wheelchair, Abag Sugbo card gikan sa Kapitolyo nga magamit para sa libre nga medikal nga serbisyo ug tambal sa mga tambalanan nga gidumala sa Kapitolyo.
Ang DSWD-7 nipaabot usab sa ilang gasa sama sa; bugas, tsinelas, ug Sugbo Negosyo certificate. (Renante Socia Lada)