Gidakop sa kapulisan ang usa ka vendor nga giingong suspek sa kaso sa pagpanunggab nga nahitabo sa M. Logarta Avenue, Barangay Mabolo, Cebu City sa hapon sa Marso 10, 2026.
Sumala sa report, nahitabo ang insidente mga 4:30 sa hapon, apan na-report kini sa kapulisan mga 6:00 sa gabii sa maong adlaw. Nasamdan ang laing vendor human siya gitulis gamit ang gunting (scissors).
Nakadawat og impormasyon ang mga pulis sa Mabolo Police Station 4 gikan sa City Tactical Operations Center (CTOC) mahitungod sa nahitabo nga pagpangdunggab. Sa dihang miresponde ang Cebu City Police Office Mobile Patrol Unit, ilang nadakpan dayon ang giingong suspek.
Human sa pagdakop, gidala ang suspek sa Police Station 4 aron ipailalom sa hustong proseso ug dokumentasyon sa kaso.
Samtang ang mga imbestigador ubos sa pagdumala ni Police Major Eric Cabuslay Gingoyon, station commander sa Mabolo Police Station 4, miadto sa Cebu City Medical Center (CCMC) aron imbestigaran ang insidente ug tan-awon ang kahimtang sa biktima nga gihatagan og medikal nga tabang.
Sa pagkakaron, nag-andam na ang kapulisan sa angay nga kaso nga ipasaka batok sa nadakpang suspek.
Source: CCPO
I via Renante Socia Lada