Nakabsan sa kinabuhi ang usa ka lalaki nga suspetsado sa pagpanglugos human matod pa nisukol sa kapulisan.
Didto kini nahitabo sa National Highway, Barangay Bulasa, lungsod sa Argao, Sugbo, pasado 1:00 kagahapon sa hapon, Hunyo 11, 2024.
Ang suspetsado giila sa Argao Police Station na mao si Anthony Bautista, 40 anyos ang panuigon, menyo, residenti sa Sitio Candabong, Barangay Jampang, lungsod sa Argao, Sugbo.
Sa imbestigasyon sa Argao Police Station, nasayran nga ang suspetsado gipasanginlan nga nanglugos og 12 anyos nga dalagita.
Atol sa ilang hot pursuit operation nasikop ang suspetsado ug sa dihang dal- on na unta kini sa kapulisan nisukol kini pinaagi sa pag ilog sa armas sa pulis.
Nahitabo ang iniligoy sa armas apan walay swerti kay ang sumbuhan niini nibuto paingon ni Bautista na maoy hinungdan sa iyang kamatayon.
Gisulayan pa unta kini pagdala sa tambalanan apan nabugtuan kini sa kinabuhi. (Renante Socia Lada | Angkol Ting Joe Pepito)