Gisaulog sa Dakbayan sa Sugbo ang ika-127 nga anibersaryo sa “Battle of Tres de Abril,” usa ka makasaysayanong panagsangka sa Katipuneros ug mga Katsila niadtong Abril 3, 1898.
Gipasiugdahan sa Cebu City Government ug Cultural and Historical Affairs Commission (CHAC) ang kalihokan, nga gisugdan sa usa ka civic-military parade nga gitambongan sa mga opisyal sa syudad, kapulisan, mga beterano, estudyante, ug senior citizens.
Usa sa nag-unang kalihokan mao ang “Kilat-Dulang Musikal,” nga nagpakita sa kinabuhi ni Pantaleon “Leon Kilat” Villegas, lider sa Katipunan sa Sugbo.
Gipangunahan nila Mayor Raymond Alvin Garcia ug Bise Mayor Dondon Hontiveros ang paghalad og buwak sa marker sa Tres de Abril, uban nila Konsehal Joel Garganera ug Cebu City Police Office Director Enrique Figuroa.
Ang maong hitabo nagpahinumdom sa kaisog sa mga Sugboanon sa ilang pakigbisog alang sa kagawasan batok sa mga Katsila.
Source: Cebu City PIO
I via Renante Socia Lada
#rpndykccebu