Gipalig-on sa Police Regional Office 7 (PRO7) ang ilang zero-tolerance policy batok sa ilegal nga drogas, diin nakasakmit sila og PHP269.3 milyon nga kantidad sa nagkalain-laing matang sa drogas sulod sa unang tulo ka bulan sa 2025.
Ilawom sa pagpangulo ni Police Brigadier General Redrico Maranan, ang mga operasyong kontra-drogas misangpot sa pagkasakmit sa 39,614.18 gramos nga shabu nga nagkantidad og PHP269,376,424.00, samtang mga tanom ug uga nga dahon sa marijuana nagkantidad og PHP184,914.00 sukad Enero 1 hangtod Marso 31, 2025.
Ang mga kapulisan nakahimo og 2,171 ka operasyon, nga miresulta sa pagdakop sa 2,481 ka indibidwal, lakip ang 151 ka high-value targets, 1,635 ka street-level pushers, ug 695 nga bag-ong nailhang drug suspek.
Gipasalamatan ni Brigadier General Maranan ang lig-on nga estratehiya sa kalinaw ug kahapsay, diin adunay kooperasyon tali sa mga law enforcement agencies, intelihensiya, ug aktibong partisipasyon sa komunidad.
Ang mas gipakusgan nga kampanya batok sa ilegal nga drogas nagpakita sa dakong paningkamot sa PRO7 sa pagwagtang sa ilegal nga drogas ug pagpabilin sa kalinaw ug kasiguruhan sa Central Visayas.
Source: PRO7- PIO
I via Renante Socia Lada
#rpndykccebu