Sa FB page post ni Carmen Mayor Carlo Villamor karong buntag Hulyo 10, 2024, gibutyag nga ipadayon ang Search and Retrieval Operation para sa nagpabiling usa nga na missing tungod sa pagkaanod sa baha didto sa Sitio Mangitngit, Barangay Lower Natimao-an, lungsod sa Carmen, Sugbo.
Si Mike Stanly Tungal, 15 anyos ang panuigon, taga Barangay Cantukong, sa mao rang lungsod ang nagpabiling gipangita human kapin sa 24 oras niining pagka wala tungod sa baha.
Nasayran nga sila si: Arshen Bejoc, Aishie Hermoso, Rhesamie Ypil Costan, Elmer Costan, Clarisse Ypil, ug Nathaniel Lozano napalgang wala nay kinabuhi sa managlahing lugar og oras.
Ang nihimo sa Search and Retrieval Operation gilangkuban sa grupo sa: Coast Guard rescue team, BFP rescue team , Danao City responders, Catmon responders, Carmen responders, Luyang Fishermen’s Association, PNP Carmen and Maritime Group , ug ubang ahensya sa goberno.
Mahinomduman nga pasado alas 5:00, niadtong Lunes sa Hapon, Hulyo 8, 2024, usa ka pick up truck nga adunay sakay na 17 ka mga tawo nga gikan nangaligo ang nitabok sa maong lugar na wala nila damha na maanod sila sa kusod na tubig sa baha.
Ang 10 na sakay naluwas samtang ang 7 niini na missing og napalgang nalang ang 6 niini nga wla nay kinabuhi sa managlahing lugar na ilang gianuran. (Renante Lada | Ting Joe Pepito)