Nibalik na sa sabakan sa goberno ang sakop sa Communist Terrorism Group (CTG) pinaagi sa pagtahan sa iyang kaugalingon.
Ang pagtahan sa sakop sa CTG didto nahitabo sa Lungsod sa Dalaguete, Probinsya sa Sugbo, kagahapong adlaw, Oktobre 26, 2022.
Ang mga sakop sa 703rd Maneuver Company (MC), Regional Mobile Force Battalion ( RMFB-7), Provincial Mobile Force Company ug Cebu Police Provincial Office maoy ni giya sa boluntaryo nga pagtahan sa sakop sa CTG.
Si Melboy Turnandeso, 27 anyos ang pangidaron, sakop sa CTG member of Squad2, Platoon Lenovo, CN1 KRNCBS, residenti sa Barangay Sandayao, Guihulngan Negros Oriental.
Gitahan ni Turnandeso ang iyang 45 caliber pistol nga maoy iyang gigamit sa ilang pakigbatok sa goberno.
Sa nasayran gikan sa intelligence report ang ni surrender nalambigit sa nahitabong ambush sa 94IB , Philippine Army didto sa Sitio Compound, Barangay Luz, Dakbayan sa Guilhulngan, Negros Oriental.
Si Turnandeso kasamtangan anaa sa kustodiya sa 703rd MC , RMFB7 para sa Custodial Debriefing ug proper disposition.
Ang Regional Director sa Police Regional Office (PRO-7), nga si P/BGen. Roderick Augustus Alba, nag-awhag sa mga ubang mga sakop sa CTG nga mutahan sa ilang kaugalingon aron maka sugod sa ilang normal nga panginabuhi uban sa ilang tagsa-tagsa ka mga pamilya.
Dugang ni Alba nga kanunay mo assist ang mga nagkadaiyang police station sa buot mo tahan sa ilang kaugalingon.
Nagpabiling malig-on karon ang Police Regional Office -7 sa ilang kampanya batok sa mga Communist Terrorism Groups. (Renante Lada)
(News & photo courtesy of PRO-7)