Usahay, igo ra gyud ang usa ka pahiyom ug mubo nga pahinumdom aron maluwas ang kinabuhi. Sa kahabogon sa busy nga Trancentral Highway sa Balamban, Cebu, nagbutang ang 1st Provincial Mobile Force Company (1st PMFC) og mga safety standees nga may sagol nga humor ug mensahe para sa mga drayber ug riders.
Ang mga standees adunay makalingaw apan makahuluganon nga pahinumdom sama sa “Huwag Kang Lumingon sa EX mo, sa side mirror ka tumingin” ug “Kamote mode off, Safe rider mode on,” nga nag-awhag sa mga motorista nga magpokus ug mag-amping sa dalan.
Adunay usab mga mensahe nga diretso sa kasingkasing sama sa “Mag-ingat sa pagmamaneho, may pamilyang nag-aantay sayo” ug “Amping sa biyahe kay kinabuhi usa ra.”
Dili usab mahikaw ang mga pahimangno nga may kataw-anan apan seryoso ang tuyo, sama sa “Check your brakes and slow down, may closure sa dulo, hindi ambulance,” ug “Mag amping ka or ampingan tika?” nga mas makapadool sa mga nagbyahe. Sa panahon karon nga daghan og distractions, klaro ug lig-on ang mensahe nga “Arrive alive. Don’t text and drive.”
Pinaagi sa humor, pagkamamugnaon, ug kasingkasing, gipakita sa 1st PMFC nga dili kinahanglan istrikto pirme ang pahimangno aron epektibo ang mensahe sa kaluwasan. Ang matag biyahe importante, ug kining mga standees sa Trancentral Highway nagsilbing pahinumdom sa tanan nga maghinay-hinay, magmatngon, ug moabot nga buhi ug luwas.
Source: CPPO
I via Renante Socia Lada