Nipagawas karon og direktiba ang Regional Director sa PRO-7 nga si P/BGen.Roderick Augustus Alba ngadto sa iyang mga sakop nga kinahanglan makig alayon sa mga nagkadaiyang LGU may labot na niining padayon nga Bagyong Paeng.
Gusto ni Alba nga kanunay alerto ang iyang mga sakop sa ilang mga area of responsibility aron pagtubag sa mga emerhensya.
Sa nasayran ang PAGASA nagpagawas na og warning sa mga lugar nga posibling maigo sa bagyong Paeng nga padayong nagdala og daghang uwan nga maka mugna og grabing pag baha.
Ang disaster team usab aduna nay mga lugar nga gitan-aw nga nalakip sa danger zone areas nga angay bantayan sa mga residenti nga lumulupyo sa maong lugar.
Samtang sa laing bahin nag susi usab karon si Alba sa mga Bus terminal sa Sugbo aron pagseguro sa mga biyahidor nga luwas sa ilang pagbiyahi. (Renante Lada)