Cebu City – Gipahibaw ni Cebu City Mayor Michael Rama nga iyang ipa cancel ang contract tali sa M.E. Sicat Construction, ang contractor sa ika upat nga phase sa Cebu City Medical Center.
Ang kahinay sa dagan sa trabaho maoy gibasehan nga rason ni Rama.
“As your mayor, I have decided to cancel…or in effect, we will pursue the cancellation of the contracted works under the law with observance of due process,” mensahi ni Rama sa press conference Miyerkules, Nobyembre 9, 2022.
Ang city government mi pirma ug kontrata tali sa M.E Sicat Construction niadtong Abril alang sa ika upat nga phase sa CCMC building.
Naglangkob sa ika upat nga phase ang construction sa “shell” sa nahibiling mga andana sa 10-storey hospital nga dunay tulo ka andaman nga tukoron niadtong higayona.
Ang proyekto naglakip sab sa paghuman ug furnishing sa interiors sa fourth ug fifth floors sa building.
Dunay ₱ 900 million ang kantidad sa maong kontrata.
Matod ni Rama nga iyang sutaon sa City Treasurers’s Office kung pilay nahibilin nga kantidad sa gigahin nga budget.
Si Michael Allan Sicat, presidente sa construction firm, sayo niini misaad nga humanon ang proyekto sa Oktubre 28–atol sa birthday sa mayor- o, kundi, sud ning tuiga.
Niadtong buwan sa Hulyo pa lang, pipila ka adlaw human sa bag-ong termino isip mayor sa Syudad sa Sugbo, mipasidaan nang daan si Rama sa pagkasenla sa kontrata tali sa contractor human makita nga wala kaayo kini mo irog.
Ning bag-o, mibukas ang CCMC sa ilang third floor isip bag-ong operating floor pero gikan sa fourth floor ngadto sa seventh floor, walay bag-ong development nga nakita.
Gikan sa Oktubre 28, giirog kini sa unang quarter sa tuig 2023 tungod kay giingon nga nagkinahanglan ug retrofitting ang structure gumikan sa giingon nga ang design dili alang sa 10 ka andana.
Si Rama sa iyang bahin sukad pa nagkanayon nga ang original nga design sa nahisgutang hospital, 10 ka andana.
“Nabalik na lang ko pagka-mayor, gusto ko matuman ang 10 floors… Pila na kabuwan nangagi, wala koy nakitang kalihukan sa seventh floor and therefore, it’s about time,” pasabot ni Rama.
“I have become at this point in time, likewise, impatient for the people,” dugang sa mayor.
Alang ni Rama nga daghang mga Cebuanos ang nanginahanglan ug libreng hospital service alang sa ilang medical needs, pero matod pa ang CCMC pabilin nga partly operational.
“Therefore, at this point in time, all contracted works are hereby canceled, and surely due process will be observed,” dugang pasabot ni Rama.
Legal nga basihan
Usa sa mga special assistants sa mayor nga si Atty Jerone Castillo, nagkanayon nga nahisgutang desisyon duna kini legal nga basihan.
“We heard the mayor and we support the mayor… Yesterday evening we gathered our lawyers. We looked at it from a perspective of factual and legal antecedents… There is a basis for this action,” mensahi sa pagsuporta ni Castillo.
Sigon pa ni Castillo nga ilang gilantaw uban sa lain pang mga abogado ang guidelines sa termination of contracts base sa Government Procurement Policy Board o ang RA 9184.
“Usa diri among nakit-an, failure kuno to comply with a valid instruction of the procuring entity under this rule is enough basis for us to terminate a contract… Daghan ang grounds, usa lang ni,” suma pa ni Castillo.
Ang termination sa contracts mo epekto human sa due process ug findings, apan mo hunong ang trabaho tungod kay matod pa under review ang kontrata. (Jhon Tadlip)
(News & photo courtesy of Cebu City Mayor’s Office)