Cebu City- Gitakdang dunay mahitabo nga dakong kausaban sa organizational structure sa Cebu City government karong Oktubre 1.
Kini ang gibutyag ni Mayor Michael Rama mahitungod sa maong lahugay.
“By October 1 there will be some substantial changes in our organization,” pahibaw ni Rama sa wala pa kini mogikan aron motambong sa birthday celebration ni President Bongbong Marcos ug sa iyang padayon nga “investment begging”.
Subling gipahibaw ni Rama ang mga empleyado nga kadtong dili maka himo sa ilang mga trabaho mas maayong moluwat sa ilang resignation.
“Di ninyo kaya? Tender your resignation… Di ninyo kaya? Kayaha ninyo! Sha0pe up or ship out, please,” mensahi ni Rama.
Nagkanayon si Rama nga padayon kini nga nag obserba sa tanang 27 ka mga department heads ug gani nakadawat siya ug mga reports nga dunay mga empleyado, lakip na sa Mayor’s office ang giingong nalambigit sa under-the-table transactions.
“Nakawat na mo? Daghan kaayog mosumbong nako. Even in the Office of the Mayor, naay mga tawo nga modawat bisan gamay… Naay mga ngan. Kamo pa kaha inyong mga opisina?” butyag ni Rama.
Alang ni Rama nga dunay gyuy ipatuman nga sistema pagpakgang sa korapsyon.
“System has to be instituted aron mamenos ang corruption. Mamenus ang tawo, modaghan ang revenues and income. Kinsay mabulahan?Ang katawhan,” sigon pa sa mayor.
Nagpadayon karon ang evaluation sa mga job order workers sa City Hall kansang mga kontrata matapos ning buwana.
Sa nalambigit nga kalambuan, gi anunsyo ni Rama ang pag transfer ni Amilo Lopez sa Barangay Affairs Office (BAO).
Si Lopez kinsa nag serbisyo pagka executive director sa Cebu City Sports Commission, mao say mangulo na sa BAO sa samang titulo.
Si Ian Hassamal, kinsa maoy head sa BAO sauna, nahimo nang overall head, usa ka consultant position, samtang si Bong Basamot gibutang nga admin assistant sa samang buhatan.
Pahinumdum ni Rama ngadto sa mga empleyado, nga molihok sa ilang tagsa tagsa ka trabaho.
“Trabaho, trabaho. Ayaw gyud tagaig purhisyo ug dili apilag negosyo ang pwesto,” mensahi ni Rama.
l via Jhon Tadlip
Source/Photo: Cebu City PIO