Cebu City – Gipanglantawan sa Cebu City Police Office (CCPO) nga mas mosaka ang insidente sa pagpangawat, pagpang labni ug pagpangoot, ug uban pa, ning nagsingabot nga Pasko.
Tungod niini, gipahinumduman ang mga establishments pag install ug mga surveillance cameras aron pag discourage sa krimen ug pagtabang sa pulis alang sa pagpatuman sa balaud.
Si Lieutenant Colonel Willbert Parilla, deputy director for administration subling mipadayag sa ka importante niini isip deterrent sa mga kriminal nga buhat.
Matod ni Parilla nga gi rekomenda sa CCPO ngadto sa kagamhanan sa syudad sa Sugbo nga himoong kining obligatory ang pagbutang ug mga camera sa sulod ug gawas sa mga establishments.
Sa nalambigit nga kalambuan, gibutyag ni Parilla nga mo focu sila sa local nga mga kriminal, human nila masikop ang mga membro sa sindikato sa pagpangilad gikan sa National Capital Region.
“Wala pa tong mga organized group gyud ng mga kawatan nga mga salisi. Lahi man to sila kay dinagko man to ang ilang igo. Mo apil sila sa budok-budol, ilad sa ATM. Naa na sila ma December daghan nasad mabiktima ani nila. mao nasad ni ang part sa atong campaign sa information disssemination sa atong katawhan nga mag bantay,” pahibaw ni Parilla.
Gipahibaw sa opisyal nga ila sab nga bantayan ang pagkatap sa peke mga mga kwarta, nga sagad sa mga mabiktika kadtong mga gagmayng mga negosyante nga walay counterfeit detection device.
Dugang niini nga ila sab nga gi monitor ang lihok sa mipakatap ug peke nga kwarta sa miaging tuig, nga ilang nasikop.
Awhag sa kapolisan ngadto sa publiko nga mag bantay sa mga manguutay, labi na diha sud sa mga department stores ug mga malls.
l via Jhon Tadlip
Source: Cebu City Police Office
Photo: Jhon Tadlip