Niining panahon sa ting ulan dili usab malikayan na mutumaw ang problema sa baha sa nagkadaiyang mga lugar sa nasud. Sa dakbayan sa Sugbo si acting Mayor Raymond Alvin Garcia makigtigom matag semana para pagsulbad sa problema sa baha sa siyudad sa Sugbo.
Pakigkitaan ni Garcia ang Task Force Gubat Sa Baha, aron gyud mahatagan og igong pagtagad ang suliran sa pagbaha sa dakbayan. Lakip ang Department of Public Works and Highways (DPWH) ug ang nagdumala sa Cebu Bus Rapid Transit (CBRT) project.
Atol sa panagtigom kagahapong adlawa Hunyo 25, 2024, gituki kung nganong wala pa napalit ang ekipo sa declogging machine, nga kinahanglanon kaayo sa paglimpyo sa mga drainage ug mga sapa sa dakbayan.
Tungod sa kalangay sa pagpalit sa maong kagamitan nauyunan nga muabang lang usa og declogging machine, tungod kay gikinahanglan na kini kaayo niining panahon sa ting-ulan.
Mahinomduman na ang dakbayan sa Sugbo niadtong nakalabay na tuig panahon sa ting ulan nakasinati og dakong problema sa baha na daghan ang mga tawo ang apiktado ug nag reklamo. (Renante Socia Lada)
(Source: Cebu City PIO)