Gisaysay ni Gobernor Pamela Baricuatro ang kabangis sa tinuod nga kahimtang sa probinsya atol sa iyang unang State of the Province Address (SOPA) niadtong Biernes, Agosto 29, 2025, diin gihulagway niya kini nga “gubot, guba, gutom.”
Sa iyang pamahayag, giila sa gobernador nga usa sa labing dako nga problema mao ang kalisod sa sektor panglawas, ilabi na sa mga ospital nga gidumala sa Kapitolyo. Gihulagway niya kini nga nagpakita sa kapakyasan sa dugay na nga panahon nga pagdumala.
“Across our 16 provincial and district hospitals, we walked into dilapidated, uncared for hospitals. Naay mga ospital nga usa ra ka thermometer ug usa ra pud ka oximeter. Sa uban, ang mga pasyente mobayad pa og buluhaton nga ingon ka simple sama sa bulak (cotton),” matod ni Gob. Baricuatro.
Iyang gipasabot nga kini dili lamang kalisod sa pasilidad apan usa usab ka hulagway sa kakulang sa serbisyo nga angay unta mahatag libre sa katawhan. Ang kapakyasan sa supply ug pasilidad nagpadayag sa mas lapad nga problema sa pagdumala ug pag-apod-apod sa pondo.
Matod sa gobernador, ang iyang administrasyon magpadayon sa pagsusi ug pagtul-id sa mga kapakyasan aron makabarug pag-usab ang probinsya. Giawhag niya ang tanan kauban sa Kapitolyo nga mosuporta sa reporma nga iyang ipatuman alang sa kaluwasan ug kaayohan sa tanan.
Source: Cebu Province PIO
I via Renante Socia Lada