Ang sunod-sunod nga agresibong operasyon sa kapulisan nga nagtinguha sa pagpakunhod sa suplay sa ilegal nga drogas nakapahimo sa pagkasakmit og shabu nga nagkantidad og PHP 43.4 milyon sulod sa 72 ka-oras nga simultaneong operasyon, sumala sa taho sa Police Regional Office 7 (PRO7) sa Central Visayas.
Gikan sa Marso 3 hangtod Marso 5, 2025, nakakumpiska ang PRO7 og 6.4 ka kilo nga shabu nga nagkantidad og PHP 43,443,840.00, lakip ang lain-laing drug paraphernalia, atol sa 189 ka operasyon.
Ang maong mga operasyon nakapadakop sa 207 ka indibidwal nga nalambigit sa mga aktibidad may kalabotan sa drogas. Sa nadakpan, 15 ang gilangkuban sa high-value targets, 144 ang giklasipikar nga street-level users ug pushers, samtang 48 ang bag-ong nailhan nga drug suspects.
Gipasiugda ni PBGen Redrico Maranan, Regional Director sa PRO7, nga ang maong mga operasyon nagpakita sa kaepektibo sa kasamtangang estratehiya batok sa ilegal nga drogas ug sa padayon nga paningkamot sa pagsumpo sa pag-abuso sa drogas sa komunidad.
“Through our strong collaboration, law enforcement and the community are effectively reducing demand and supply addressing drug trafficking activities that often lead to violence and crime. Our efforts are yielding results—let’s continue this momentum!” matod ni PBGen. Maranan.
Source: PRO7-PIO
I via Renante Socia Lada