Usa ka drayber sa motor ang namatay human kini makaigo sa usa ka kanding nga kalit mitabok sa dalan sa Barangay Maya, Daanbantayan, Cebu.
Ang biktima giila nga si Ramon Abellana Briones, 43 anyos, residente sa Purok Kanlay, Barangay Maya.
Sumala sa imbestigasyon sa kapulisan, ang insidente nahitabo sa alas 2:30 sa hapon, Marso 6, 2025, apan alas 5:00 sa hapon na kini nadawat sa awtoridad.
Matud sa Daanbantayan Police, si Briones padulong unta sa ilang balay human gikan sa sentro sa lungsod apan kalit lang misirit ang usa ka kanding sa dalan. Wala siya nakaikyas, hinungdan nga nawad-an siya og kontrol sa motor ug nabunal sa karsada.
Gidala pa siya sa Daanbantayan District Hospital apan gideklarang dead on arrival. Samtang ang kanding nakasumati ra og gamay nga kadaot.
Nagpadayon ang imbestigasyon sa kapulisan aron matumbok ang tag-iya sa kanding nga posibleng manubag sa maong insidente.
I via Renante Socia Lada