Usa ka mahinungdanong operasyon ang nahimo sa Police Regional Office 7 nga ni resulta sa pagkasakmit sa minilyon nga balor sa shabu ug pagkasikop sa usa ka high-profile nga drug suspek sa Sitio Kamanggahan, Barangay Labangon, Cebu City.
Ang operasyon nga nahitabo niadtong Pebrero 12, 2025, sa alas-1 sa hapon, usa ka panagtinabangay tali sa Philippine Drug Enforcement Agency Regional Office VII-Regional Special Enforcement Team Mandaue City Office (PDEA RO7-RSET MCO), National Special Enforcement Team Visayas 2, Regional Police Drug Enforcement Unit (RPDEU 7), Police Station 10 sa Cebu City Police Office (CCPO), Philippine National Police-Drug Enforcement Group (PDEG), ug Naval Forces Central sa Philippine Navy.
Atol sa maong operasyon, nasakmit sa mga otoridad ang duha ka kilo nga shabu nga nagkantidad og Php13,600,000.00. Nakuha usab gikan sa suspetsado ang usa ka cellphone ug usa ka motorsiklo.
“This impressive seizure highlights our collaborative efforts in safeguarding our community from the harmful effects of illegal drugs. We remain committed to identifying and dismantling drug distribution networks to ensure a safer region 7,” matod ni PBGen. Redrico Maranan, PRO7 Regional Director.
Ang maong suspetsado mag-atubang og mga kaso ubos sa Republic Act 9165 o ang Comprehensive Dangerous Drugs Act. (Renante Socia Lada)
(Source: PRO7-PIO)