Dako ang kalampusan sa Police Regional Office 7 (PRO7) sa ilang gipadayon nga kampanya batok sa krimen ug iligal nga drogas, human sa usa ka semana nga operasyon gikan Mayo 18 hangtod Mayo 24, 2025.
Sa tanang operasyon, 259 ka suspetsado ang nadakpan, lakip ang 133 ka suspek sa ilegal nga drogas. Nakuhaan sila og 7.4 kilos nga shabu nga nagkantidad og ₱50.6 milyon ug 4 gramos nga marijuana.
Gipakusog usab sa PRO7 ang kampanya batok sa ilegal nga armas. 23 ka operasyon ang ilang gihimo diin 29 ka armas, 2 ka bomba, ug 223 ka bala ang nakumpiskar. 18 ka tawo ang nadakpan tungod sa iligal nga pagpanag-iya niini.
Sa laing bahin, 76 ka wanted persons ang nadakpan sa maong semana, lakip na ang 17 ka Most Wanted sa rehiyon.
Gipasidunggan ni PRO7 Regional Director PBGen Redrico A. Maranan ang sakripisyo sa mga pulis, ug miingon nga ang kalampusan sa operasyon resulta sa maayong intelihensya ug suporta sa komunidad.
Gi-awhag usab sa PRO7 ang publiko nga magtinabangay, motaho sa kadudahang lihok, ug mosuporta sa mga programa sa kalinaw sa komunidad.
Source: PRO7
I via Renante Socia Lada