Naligo sa kaugalingon dugo ang usa ka lalaki nga gipusil patay sa wala matino nga suspetsado.
Didto sa Sitio Buwaran, Barangay Sawang Calero, dakbayan sa Sugbo pasado alas 11:00 sa gabii, Sabado, Mayo 24, 2025.
Ang biktima giila sa Cebu City Police Office na mao si Janrey Quirante, 34-anyos, residente sa General Genes, Barangay Suba, ug giingong walay trabaho.
Sa imbestigasyon sa kapulisan kalit gipusil ang biktima sa wala matino nga suspetsado gamit ang wala maila nga armas de fuego.Gisulayan pa unta kini sa pagluwas apan nabugtuan gyud sa kinabuhi.
Sa pagkakaron, padayon pa ang imbestigasyon sa kapulisan aron matumbok ang responsable sa pagpamusil, lakip ang motibo sa krimen. Ilang gisusi usab kung adunay bay CCTV sa lugar nga makatabang sa pag-ila sa mamumuno.
I via Renante Socia Lada