Dako ang kalampusan sa Police Regional Office 7 (PRO7), pinangulohan ni PBGEN Redrico A. Maranan, sa usa ka semana nga hugot nga operasyon batok drogas, iligal nga armas, mga pinangita sa balaod, ug iligal nga sugal sa Central Visayas.
Sa 171 ka anti-illegal drug operations, mikabat og 394.43 ka gramos nga shabu ang nasakmit, nga nagkantidad og ₱2,682,124. Daghang drug personalities ang nadakpan, nga nagpadagan sa lokal nga drug network.
Sa kampanya batok iligal nga armas, 20 ka pusil, usa ka eksplosibo, ug 57 ka bala ang nasakmit. Napulo ug lima (15) ang nasikop sa 19 ka operasyon, nga nakapamenos sa hulga gikan sa mga iligal ug walay rehistrong armas.
Nagmalampuson usab ang PRO7 sa ilang manhunt operations, diin 11 ka Most Wanted Persons ang nadakpan apil ang 4 sa regional level, 5 sa provincial, ug 2 sa municipal level. Gidugang pa niini ang 58 ka laing wanted persons nga ilang nasikop.
Sa gipatuman nga operasyon batok illegal gambling, 41 ka tawo ang nadakpan ug ₱5,158 nga bet money ug gambling paraphernalia ang nakumpiska.
Source: PRO7 PIO
I via Renante Socia Lada