Padayon ang walay hunong nga kampanya sa Police Regional Office 7 (PRO7) batok sa kriminalidad sa tibuok Central Visayas, nga nakahimo og dagkong resulta gikan Oktubre 19 hangtod 25, 2025.
Sa maong panahon, nakasakmit ang kapulisan og ₱2.1 milyon nga kantidad sa tanom nga marijuana ug 313.55 gramos sa shabu, nga miresulta sa pagdakop sa 162 ka drug suspects.
Nadakpan usab sa mga tracker teams ang 21 ka most wanted persons ug 55 ka ubang wanted individuals. Sa operasyon batok sa iligal nga armas, 25 ka dili lisensyado nga armas, 2 ka eksplosibo, ug 31 ka bala ang narecover.
Sa laing bahin, 52 ka tawo ang nadakpan sa operasyon batok sa iligal nga sugal, diin ₱8,162 nga pusta ang nakumpiskar.
Gipasidunggan ni PRO7 Regional Director Police Brigadier General Redrico A. Maranan ang paningkamot sa mga kapulisan sa rehiyon, ug iyang giingon nga kini nagpamatuod sa tinuod nga pagserbisyo aron maprotektahan ang komunidad.
“We will not rest until those who break the law are held accountable. Every arrest, every firearm, and every gram of drugs seized bring us closer to a safer Central Visayas,” matod pa ni PBGen Maranan.
Gipasalig usab sa PRO7 nga magpadayon kini sa pagpanalipod sa katawhan ug sa pagmintinar sa kalinaw ug kahapsay sa rehiyon.
Source: PRO7 PIO
I via Renante Socia Lada