Padayon ang Police Regional Office 7 (PRO7) sa ilang hugot nga kampanya batok sa iligal nga drogas human sa sunod-sunod nga usa ka adlaw nga operations kaniadtong Nobyembre 17 hangtod 18, 2025, nga nakakuha og ₱3.6 milyon nga kantidad sa shabu ug nakasikop og 13 ka drug suspects sa tibuok Central Visayas.
Sumala sa pinakabag-ong taho sa kalampusan, nakumpiskar sa PRO7 units ang 536.38 gramos nga shabu gikan sa 13 ka coordinated anti-drug operations sulod sa 24 ka oras.
Ang labing dako nga drug haul nahitabo sa Cebu City diin ang City Intelligence Unit ug City Drug Enforcement Unit sa Cebu City Police Office (CCPO) nakakuha og 500 gramos nga shabu nga nagkantidad og ₱3,400,000 sa Sitio Kamansi, Barangay Lorega. Sa operasyon, nadakpan usab ang usa ka 39-anyos nga high-value drug suspect alas 10:30 sa gabii kaniadtong Nobyembre 17, 2025.
Gipatuman sa PRO7 ang simultaneous operations sa ubang bahin sa rehiyon nga nakasikop usab og mga street-level target ug dugang nga pagsakmit sa ebidensya sa drogas, nga nagpamatuod sa lig-on ug coordinated nga kampanya batok sa iligal nga drogas sa tanang units.
Gidayeg ni Regional Director PBGEN Redrico A. Maranan ang mga operating teams sa ilang desisibo nga aksyon, nga nagpunting sa kinabuhi nga ilang naluwas pinaagi sa operasyon.
Gipasiugda usab niya ang commitment sa PRO7 sa public service, nga uyon sa thrust sa Acting Chief, PNP sa paghatag og kalidad nga law enforcement nga nagsiguro sa kalinaw, seguridad, ug pagsalig sa komunidad.
Gisaad sa PRO7 sa publiko nga padayon ang gipakusog nga operasyon isip kabahin sa ilang long-term anti-illegal drug campaign, kauban ang kooperasyon sa mga komunidad ug partner agencies aron mapabiling luwas ug libre sa drogas ang rehiyon.
Source: PRO7 PIO
I via Renante Socia Lada