Nakarekord og pagkunhod sa krimen ang Police Regional Office 7 o PRO7 sa unang 15 ka adlaw sa Septiyembre 2026.
Base sa datos sa kapulisan, 1,212 ka insidente sa krimen ang natala karong tuiga, mas ubos kumpara sa 1,355 ka insidente sa samang panahon niadtong 2025. Kini katumbas sa 143 ka insidente nga nakunhod.
Mikunhod usab ang index crimes gikan sa 93 ngadto sa 86 ka kaso.
Matud ni PRO7 Director Police Brigadier General Arnold E. Abad, resulta kini sa paningkamot sa kapulisan, mga ahensya sa gobyerno ug mga komunidad aron mapadayon ang kalinaw ug seguridad sa Central Visayas.
Samtang nagkaduol ang mga holiday, gipahibalo sa PRO7 nga ipadayon ang pagpatrolya ug police visibility sa mga lugar nga daghang tawo.
Giawhag usab ang publiko nga mag-amping, bantayan ang ilang mga gamit ug balay, ug ireport dayon sa kapulisan ang mga kadudahang lihok. Alang sa emerhensya, mahimong motawag sa 911.
I via Renante Socia Lada