Hapsay ug malinawon ang dagan sa mga kalihokan ni Presidente Ferdinand Romualdez Marcos Jr. sa nagkalain-laing lugar sa Sugbo sama sa; Bogo City, Lapu-Lapu City, ug Mandaue City niadtong Marso 16, 2026, pinaagi sa maayong preparasyon ug deployment sa igo ug sakto nga gidaghanon sa kapulisan.
Ang Police Regional Office 7 nagpatuman og kompleto nga seguridad, lakip na ang pagpanalipod sa mga venue, seguridad sa ruta, ug pagdumala sa daghang tawo. Gisiguro usab ang hapsay nga koordinasyon sa lokal nga kagamhanan ug uban pang partner agencies aron mapadayon ang kalinaw ug kahapsay sa tanan nga kalihokan.
Gipasiugda ni Police Brigadier General Redrico A. Maranan nga ang papel sa kapulisan kritikal sa kalampusan sa bisita. Matod niya, ang malinawon ug hapsay nga pagdagan sa kalihokan nagpakita sa maayo nga preparasyon, koordinasyon, ug dedikasyon sa mga pulis nga nagbantay sa seguridad sa Presidente ug sa publiko.
Gipasalamatan usab niya ang kooperasyon sa lokal nga gobyerno, partner agencies, ug komunidad nga nakatampo sa malinawon ug malampuson nga pagbisita ni Presidente Marcos sa probinsya.
“The peaceful and orderly engagements of President Ferdinand Romualdez Marcos Jr. in Cebu reflects the careful preparation, coordination, and dedication of our police personnel who were deployed on the ground. Their focus remained on protecting the President, securing the venues, and ensuring that the public could safely witness these important engagements,” segon mi PBGen. Maranan.
Source: PRO7 PIO
I via Renante Socia Lada