Nakadakop og 466 ka mga indibidwal ang Police Regional Office 7 (PRO7) ug nakarekober og halos ₱4 milyon nga kantidad sa shabu atol sa gipakusgan nga police operations sa tibuok Central Visayas gikan Marso 1 hangtod Marso 7, 2026.
Sumala kang PBGen. Redrico A. Maranan, regional director sa PRO7, iyang gidayeg ang tanang police units hangtod sa station level tungod sa ilang dedikasyon sa pagmintinar sa kalinaw ug kaluwasan sa komunidad.
Sa anti-drug operations sa kapulisan, 213 ka drug personalities ang nadakpan lakip ang high-value ug street-level suspects. Narekober usab ang 586.70 gramos nga shabu nga gibana-banang nagkantidad og ₱3,989,560.
Sa manhunt operations, 131 ka wanted persons ang nadakpan, lakip ang 32 ka most wanted persons sa rehiyon.
Samtang sa kampanya batok sa ilegal nga armas ug sugal, 29 ka tawo ang nadakpan ug nakompiscar ang 40 ka armas, duha ka explosives, ug 101 ka bala, samtang 93 ka indibidwal usab ang nadakpan sa operasyon batok sa illegal gambling ug narekober ang ₱11,651 nga cash.
Source: PRO7 PIO
I via Renante Socia Lada